.

.

…

.

 

.

.

.

.

.

.

.

 

उत्सवाच्या नावे, भक्तीचा बाजार

जाहला बेजार, आसमंत ||

.

नवसाला कुणी, सायासाला कुणी

हव्यासाला कुणी, जमलेले ||

.

जाणतो जो देव, सद्भाव मनीचा

ठणाणा ‘डॉल्बी’चा, कशापायी? ||

.

उत्सवे टिकवा, टिळकांचा हेतू

नसे मनी किंतु, मणी म्हणे ||

.

-संत मणी महाराज, मणिराम की छावणी, मणिपूर.

(प्रथम प्रसिद्धी – तरुण भारत मुंबई, रविवार दि. ११ सप्टें २०११)

.

चित्र साभार: हिंदुस्तान टाइम्स

.

..

.

.

.

.

.

.

.

.

.

.

.

.

.

.

.

.

.

.

 

.

गणांच्या नायका, भक्तांच्या पालका,

देई स्वास्थ्य लोकां, देशभर ||

 .

 

मिळो लहानांना, शिक्षणाच्या संधी,

सद्गुणांच्या छंदी, जडो जीव ||

 

 

संपावी व्यसने, झडू द्यावी ईर्षा,

वाढू द्या हो हर्षा, सर्वांतरी ||

 .

 

होवो धरीत्रीचे, आनंद भुवन,

स्वीकारा वंदन, मणी म्हणे ||

 .

 

संत   मणी महाराज, मणिराम की छावणी, मणिपूर.

 

(प्रथम प्रसिद्धी – तरुण भारत मुंबई, रविवार दि. ४ सप्टें २०११)

 

 

चित्र साभार timescontent.com

 

 

 

 

 

 

 

 

 

 

 

 

 

संसद सर्वोच्च, आहे राजे मान्य,

नाही भाव अन्य, मनामध्ये ||

.

मग सांगा किती, एम.पी.गजाआड,

कितींवर धाड, पडलेली ||

.

कोण झळकवी, सदनी बंडले,

कितीक धावले, ‘वेल’ मध्ये ||

.

ठरण्या सर्वोच्च, हवी कृती उच्च

आणि हात स्वच्छ, मणी म्हणे ||

.

संत संतमणी महाराज, मणिराम की छावणी, मणिपूर.

 

 

व्यंगचित्र: साभार Manjul

.

.

.

.

.

.

.

.

.

.

अण्णा गजाआड, सरकार त्रस्त,

टी.व्ही. वाले मस्त, टी.आर.पी.ने ||

.

सरकार करी, सदनी कांगावा

अण्णांचा सांगावा, देशभर ||

.

पोलिसांच्या आड, लपे सरकार,

अण्णा झाले स्वार, वाऱ्यावर ||

.

राजकीय दंभ, करण्या उताणा,

पुरे एक अण्णा, मणी म्हणे ||

.

संत मणीमहाराज, मणिराम की छावणी, मणिपूर.

 

(प्रथमप्रसिद्धी: रविवार, २१ऑगस्ट, तरुणभारत, मुंबई)

स्वातंत्र्यदिनाला, उदास हे मन

 

 

.

.
.
.

.

.

 

.
.
.

गांजलेले जन, चोहीकडे ||

 

दारिद्र्यरेषेच्या, खाली-वर जिणे

विकासाचे नाणे, दिसेचिना ||

 

गरीबीने त्रस्त, प्रकल्पाने ग्रस्त,

दैवावर भिस्त, ठेवोनिया  ||

.

कोटी दीना सुखे, लाभो घास चार

अपेक्षा का फार? मणी म्हणे ||

 

संत मणी महाराज, मणिराम की छावणी, मणिपूर.

(प्रथम प्रसिद्धी: रविवार, १४ ऑगस्ट, तरुण भारत, मुंबई)

.

. 

चित्र: शहरातील पावसाळी रात्र - साभार Leonid Afremov

.

.

शहरी पाऊस, गंधहीन कसा

कर्तव्याने जसा, बरसतो ||

.

शहरी पाऊस, नाही कोंब-तृण

वाढलेले तण, फुटपाथी ||

.

शहरी पाऊस, ‘मिमी’ ‘इंच’ माप,

नभ भर व्याप, दिसेचिना ||

.

शहरी पाऊस, गळत-तुंबत,

नाही ओथंबत, मणी म्हणे ||

.

संत मणी महाराज, मणिराम की छावणी, मणिपूर

(प्रथम प्रसिद्धी, तरुण भारत, मुंबई, रविवार, ७ ऑगस्ट, २०११)

.

व्यंगचित्र साभार: अमूल

.

.

.

.

.

.

.

.

.

.

.

.

..

.

.

एका आरोपीला, झाला स्मृतिभ्रंश |

विवेकाचा अंश, लुप्त झाला ||

.

तुरुंग दिसता, दुखणा-या छात्या

माहीतच होत्या, आजवरी ||

.

पण हे भलते, घडले आक्रीत

मेंदूमध्ये रिक्त, पेशी सा-या? ||

.

काय घेतले हो, ताटात, पेल्यात |

तिहार जेलात? मणी म्हणे ||

 .

-संत मणी महाराज, मणिराम की छावणी, मणिपूर  

(प्रथम प्रसिद्धी: तरुण भरात मुंबई, रविवार दि. ३१ जुलै २०११)

विठुराया घ्याहो, नैवेद्याला वडा,

करुनिया राडा, मिळविला ||
. 

एक वडा घ्याहो, शिवप्रभू नावे

चटणीशी खावे, शांतपणे ||
. 

आणि एक घ्याहो, वडा आग्रहाचा |

‘छत्रपती’ साचा, संगे पाव ||
.

तुमचेच नाव, देवा द्या ना वड्या,

गावोगाव गाड्या, मणी म्हणे ||
.

संत मणी महाराज, मणिराम की छावणी, मणिपूर  
.
(प्रथम प्रसिद्धी: तरुण भारत, मुंबई, रविवार २४ जुलै २०११)

.

.

.

.

.

.

.

.

.

.

.

.

.

सांगा विठुराया, आणि किती स्फोट |

कुठवर खोट, व्हिजिलन्सी ||

.

सांगा किती बळी, किती रक्तपात |

किती घातपात, ललाटी ह्या || 
.

राज्याचे अस्तित्व, जाणवेना कुणा,

जिथे तिथे खुणा, दौर्बल्याच्या ||
.

शत्रू टीच-भर, शत्रू वीत-भर |

बसे उरावर, मणी म्हणे || 
.

-संत मणीमहाराज, मणिराम की छावणी, मणिपूर.

(प्रथम प्रसिद्धी: तरुण भारत, मुंबई, रविवार डी. १७ जुलै २०११)

. .

.
.

.

.

.
.
.
.
.
.
.
.
.
.
.
.

विठुराया टाका, सोनोग्राफी केंद्र |

ऐका हो देवेंद्र, मनोमन||

.

देवा कन्या हवी, शेजा-याच्या घरी |

अपुल्या पदरी, ‘वंश दिवा’  ||

.

देवा सोडा वीट, सामोरे जा सत्या |

आज भ्रूण-हत्त्या, गावोगाव ||

.

किती जनी-मुक्ता, संपल्या गर्भात |  

संतांच्या राज्यात, मणी म्हणे || 

.

-संत मणीमहाराज, मणिराम की छावणी, मणिपूर.

.

(प्रथम प्रसिद्धी: तरुण भारत, मुंबई, रविवार १० जुलै २०११)